Qabel l-Elezzjoni ta' xahrejn ilu konna drajna lil Alfred Sant, il-Mexxej tal-Partit Laburista jiddandan kull fejn imur li l-Gvern tieghu kien se jkun l-ewwel wiehed f'pajjizna li jiffaccja l-elettorat minghajr l-ebda ticpisa. Kien ried jaghti l-impressjoni li hu rnexxielu fejn haddiehor, skond hu, kien naqas bil-kbir. Bilkemm ma riedx ipoggi lill-Gvern tieghu bhala mudell ghal dawk li riedu jigu warajh!

Kemm kemm kien ghadu spicca jiftahar b'din il-?bravura' li proprju f'tarf il-kampanja elettorali faqqa' l-kaz li qaba' jissemma bhala tal-Lay Lay. Niftakru x'figura kerha kien qata' l-Partit Laburista f'dak il-kaz tant li meta l-istess Laburisti bdew isemmu huma stess x'seta' ikkawza t-telfa straordinarja li sofrew, bdew idahhlu l-kaz tal-Lay Lay fuq quddiem fil-lista taghhom.

Issa li l-affarijiet bdew joqghodu iktar, bdew hergin certi stejjer li certament ma jikkwalifikawx lill-Gvern ta' Sant bhala wiehed minghajr tebgha. Qed nisimghu b'hafna praspar li kienu jsiru wara l-hitan ta' certi Ministeri.

Smajna, u qed nisimghu, kif waqt li fuq il-haddiema tal-Gvern keinet waqghet il-friza tas-sahra, certi haddiema tal-qalba kienu jinghataw sahra bl-eluf ta' liri f'kumpens.

Smajna li filwaqt li kienu qed jeqirdu bil-hofor u bil-?falliment' ta' certi korporazzjonijiet, l-infiq ghal ikliet u ospitabbilita' xejn ma kien jitrazzan fil-Ministeri.

Smajna b'maniggji anke f'ezami pubbliku - grajja li konna ilna ma nisimghu xi haga bhalha snin kbar.

Smajna wkoll kif attivitajiet pubblici li kellhom suppost isiru minghajr l-ebda nefqa min-naha tal-Gvern, swew l-eluf tal-liri lill-Kaxxa ta' Malta, minghajr, apparentament, kontrolli ta' xejn.

Hemm diversi kazi ohrajn li certament ghad nisimghu dwarhom u li ghal darb'ohra jikxfu l-ingann politiku li l-Partit Laburista haseb li seta' jbella' lill-poplu Malti.

Veru li l-Partit Nazzjonalista qabel l-elezzjoni ma riedx li jimxi fuq il-passi tal-Partit Laburista billi jibbaza l-kampanja tieghu fuq it-tfigh tat-tajn. U ghamel sew. Izda, min-naha l-ohra, kif jghid il-Malti, id-dnub ma jorqodx u l-lum jew ghada kollox isir maghruf.

Il-pozizzjonijiet li qed jiehu l-Partit Laburista, issa fl-Oppozizzjoni, qed jinftiehmu ahjar. Qed jaghmel minn kollox u juza kull diversiv biex il-poplu ma jiffukax fuqu u ma jkunx jaf x'wettaq tabilhaqq meta kien fil-Gvern.

Aktar ma' l-poplu jinghata informazzjoni dwar dak li kien qed isir minn wara dahru fi zmien Gvern Laburista, aktar wiehed jista' jghid li jekk kienu kapaci jaghmlu dak kollu fi tnejn u ghoxrin xahar mur ara x'kienu jaghmlu f'hames snin!

Il-bziezaq politici kollha li nefah Alfred Sant qabel l-Elezzjoni tassew li nfaqghulu kollha f'wiccu. Hu ironiku ghall-ahhar li l-aktar fatt li ftahar bih ftit tal-gimghat ilu, issa qed jigri warajh ukoll.

Mhux ta' b'xejn li l-Partit Nazzjonalista kien il-hin kollu jistqarr li l-pajjiz jixraqlu ahjar. Veru kaz li pajjizna ma kienx haqqu dak li ghadda minnu. Izda ghallinqas issa qed insiru nafu xi ftit dak li haddiehor kien jahbi!