IL-PRIM MINISTRU JAGHTI KUMMENTI LILL-MEDIA FI TMIEM LAQGHA
TAL-KABINETT TAL-MINISTRI
(It-Tnejn 1 ta' Ottubru, 2001)

Il-Prim Ministru Dr Eddie Fenech Adami beda biex qal li l-Kabinett innota b’sodisfazzjon illi l-mizura illi ddecieda l-Gvern dwar it-Tarzna, giet milqugha kif kien xieraq bhala materja ta’ interess nazzjonali u li min-naha ta’ l-Oppozizzjoni, ser ikun hemm persuna mazghula mill-Kap ta’ l-Oppozizzjoni li ser tkun osservatur partecipattiv fit-Task Force li ghandha titwaqqaf.

Il-Kabinett innota wkoll b’sodisfazzjon li l-GWU infurmat lill-Gvern li hija sejra tippartecipa u li innominat erbgha persuni biex jiehdu parti. Il-Prim Ministru qal li hu kien ser jghaddi immedjatament ghat-twaqqif b’mod formali tat-Task Force li hu awgura li tasal biex twassal ghax-xewqa komuni ta’ kulhadd li naraw it-Tarzna ssir vjabbli. Naturalment il-Gvern konxju li r-responsabbilta’ principali tad-decizjonijiet ser taqa’ fuqu, kif inhu d-dmir tieghu. Il-Prim Ministru assigura illi l-Gvern se jerfa r-responsabbilta’ shiha biex jigi mwettaq fit-Tarzna dak li jkun hemm bzonn, dejjem bl-iskop ewlieni li naraw it-Tarzna issir vjabbli.

Il-Kabinett gie infurmat wkoll li nhar is-Sibt li ghadda thallsu l-pagi tat-Tarzna bl-ammont ta’Lm762,000. Fil-fatt it-Tarzna ma kellhiex biex thallas dawn il-pagi ghax kellha biss Lm300,000 u ghalhekk talbet lill-Gvern biex javanza sussidju ta’ Lm462,000. Il-Gvern kien talab informazzjoni mill-Kunsill tat-Tarzna dwar hsara li setghet tigi kwantifikata li sofriet it-Tarzna fl-incidenti li kien hemm fit-12 ta’ Settembru. Il-hsara materjali u danni ohra kwantifikabbli li sofriet it-Tarzna, inkluz it-telf ta’ xoghol li kien diga ikkuntrattat, ammontaw ghal ftit aktar minn Lm47,000. Ghalhekk il-Ministru tal-Finanzi naqqas dan l-ammont mis-somma mitluba mit-Tarzna u flok l-Lm462,000 li l-Gvern gie mitlub li javanza, fil-fatt il-Gvern avanza lit-Tarzna Lm414,625.

Il-Prim Ministru qal li l-Kabinett iddiskuta dalghodu it-twaqqif ta’ Financial Intelligence Unit u approva draft ta’ ligi biex tigi emendata l-Ligi dwar il-hasil tal-Flus (Money Laundering Act). Id-draft gie approvat mill-Kabinett u issa, kif dejjem sar f’ligijiet bhal dawn, imiss li jsiru diskussjonijiet ma’ l-Oppozizzjoni fuq id-draft tal-Ligi qabel ma tigi ippubblikata. Huwa ttamat li jkun hemm qbil kif kien hemm f’kazijiet simili, halli jitressaaq l-abboz ta’ ligi quddiem il-Parlament.

Il-Kabinett approva wkoll is-Solid Waste Management Strategy ghall-Gzejjer Maltin. Diga kien hemm l-ewwel draft ta’din l-istrategija li kienet harget ghall-konsultazzjoni pubblika u illum, il-Ministru responsabbli mill-Ambjent issottometta dan id-dokument ta’ strategija kif finalment propost mill-Ministeru. Issa li dan id-dokument gie approvat mill-Kabinett, ser jigi ukoll ppubblikat.

Il-Kabinett saritlu prezentazzjoni mill-Ministru tal-Finanzi dwar il-benchmarking, li huwa process li issa it-Tax Compliance Unit wettqet fil-parti l-kbira tieghu. Il-Prim Ministru qal li l-Ministru spjega lill-Kabinett il-process kollu kif twettaq u kif ser ikun implimentat mit-Tax Compliance Unit. Il-Prim Ministru u l-Kabinett jinsabu infurmati ukoll li l-Ministru ser jaghmel prezentazzjoni simili lill-Kunsill Malti ghall-Izvilupp Ekonomiku u Socjali.