għaddejjin u ninsabu fl-istadju fejn in-negozjati qed isiru b’mod intensiv ħafna - naturalment għax kif kulħadd jaf, in-negozjati għandhom jispiċċaw possibbilment sa Ottubru u definittivament sa Diċembru. Il-Kabinett innota illi qed isir progress fuq id-diversi punti li għadhom pendenti u l-progress huwa sodisfaċenti.

Iddiskutejna ukoll il-Waste Management Strategy u l-attwazzjoni tagħha u l-passi li jmiss. Fil-fatt, il-Kabinett approva memorandum mill-Ministru Francis Zammit Dimech biex titwaqqaf aġenzija fil-forma ta’ kumpanija għal Waste Management Services.

Iddiskutejna wkoll il-proġett għall-iżvilupp f’Raħal il-Ġdid fejn hemm il-ground tal-Pace Grasso. Hemm territorju kbir hemmhekk li għandu jiġi żviluppat għal ħtiġiet soċjali u ħtiġiet ta’ kummerċ u wkoll parti minnu jibqa’ jintuża għal faċilitajiet sportivi. Għandu jiġi mitlub li jiġi sottomess development plan lill-Planning Authority u nittamaw li fix-xhur li ġejjin dal-proġett jinbeda u jinbeda, bħala Public Partnership Project.

Iddiskutejna ukoll u approvajna l-kapitli ta’ ħames konvenzjonijiet internazzjonali. Konvenzjoni dwar Maritime Search and Rescue, Konvenzjoni dwar l-International Maritime Convention u fil-fatt dawk tlieta f’waħda tal-Facilities for International Maritime Traffic. Nixtieq ninnota li l-Gvern f’dawn l-aħħar erba’ snin għamel eżami ta’ kemm kien hemm konvenzjonijiet illi Malta ffirmat u ma rratifikatx, jew xi kultant lanqas kienet iffirmat. Illum fis-sitwazzjoni internazzjonali li aħna, huwa importanti ħafna biex ikollna l-iżvilupp meħtieġ, per eżempju fil-qasam Marittimu li jkollna r-ratifika tal-Konvenzjonijiet. Bil-ħamsa li approvajna illum, inkunu effettivament irratifikajna tmienja u ħamsin konvenzjoni f’dawn l-erba’ snin. Din naħseb turi li l-Gvern kien attent biex ipoġġi lil Malta f’pożizzjoni li jkollha l-aħjar kondizzjonijiet li jiggarantixxu żviluppi ulterjuri.