ORDNI MOQRI
MIS-SUR PAOLO PACE
PRESIDENT TAL-KAMRA TAR-RAPPREżENTANTI

Ordni moqri mis-Sur Paolo Pace, President tal-Kamra tar-Rappreżentanti, fis-Sala ta’ San Mikiel u San Ġorġ fil-Palazz, il-Belt Valletta, fl-okkażjoni tal-ftuħ tal-Kamra tar-Rappreżentanti mill-Altezza Irjali Tiegħu d-Duka ta’ Edinburgh.
                             ELIZABETH R.

Eliżabetta t-Tieni għall-Grazzja t’Alla tar-Renju Unit tal-Britannja l-Kbira u ta’ l-Irlanda ta’ Fuq u tar-Renji u t-Territorji l-oħra Tagħna, Reġina, Kap tal-Commonwealth u difenditriċi tal-Fidi.

Lill-fidil u wisq maħbub tagħna Sir Maurice Henry Dorman, Kavalier Gran Kruċ tal-Wisq Magħruf Ordni ta’ San Mikiel u San Ġorġ, Kavalier Gran Kruċ ta’ l-Ordni Irjali Tagħna Vittorjan, Gvernatur-Ġenerali ta’ Malta u l-fidil u l-wisq maħbub is-Sur Paolo Pace, President tal-Kamra tar-Rappreżentanti tal-Parlament Tagħma ta’ Malta u lill-fidili u wisq maħbuba Membri ta’ l-imsemmija Kamra tar-Rappreżentanti u lill-Poplu taghna ta’ Malta Sliem:

BILLI bl-Att ta’ l-1946 dwar l-Indipendenza ta’ Malta hemm provdut biex Malta takkwista status ta’ responsabbiltà sħiħa fil-Commonwealth:

U BILLI skond id-disposizzjonijiet tal-Kostituzzjoni kif qiegħda fl-Att ta’ l-1964 dwar l-Indipendenza ta’ Malta, il-Parlament Tagħna ta’ Malta ġie msejjaħ biex jiltaqa’ għal ċerti materji diffiċli u urġenti li jikkonċernaw il-Gvern tagħna:

U BILLI Aħna nixtiequ nirreġistraw l-importanza ta’ din is-Sessjoni tal-Parlament Tagħna ta’ Malta (li hi l-ewwel sessjoni tiegħu mindu Malta akkwistat status ta’ responsabbilità sħiħa kif jingħad hawn fuq) u li nuru l-interess speċjali Tagħna fir-risq tas-Sudditi Leali Tagħna f’Malta, u billi minħabba ċerti raġunijiet, ma nistgħux inkunu preżenti hemmhekk b’mod konvenjenti fil-Persuna Irjali Tagħna:

ISSA KUNU AFU, illi Aħna billi nafdaw fid-diskrezzjoni, fedeltà u attenzjoni tal-Wisq Maħbub żewġna u wisq leali Kunsullier Philip, Duka ta’ Edinburgh, kavallier tal-Wisq Nobbli Ordni tat-Takkalja, Kavalier tal-Wisq Antik u Nobbli Ordni tat-‘Thistle’, Gran Mastru u Kavalier Ewlieni jew Gran Kruċ Prinċipali tal-Wisq Eċċellenti Ordni ta’ l-Imperu Britanniku, Ammirall tal-Flotta Tagħna, Field Marshall fl-Armata Tagħna. Marshall tar-Royal Air Force Tagħna, Aħna nagħtu lilu bis-saħħa ta’ dan l-Att is-setgħa kollha f’Isimna biex ilaqqa’ l-Parlament Tagħna ta’ Malta u biex jiftaħ u jiddikjara u jġagħal li jinfetħu u jkunu ddikjarati r-raġunijiet biex jitlaqqa’ l-Parlament, u jagħmel dak kollu li Għalina u Minna jkollu jsir hemmhekk:

IRRIDU illi huwa b’din iwassal lill-imsemmi Parlament u l-Poplu Tagħna l-messaġġ Irjali Tagħna ta’ rieda tajba u l-assigurazzjoni Tagħna li aħna bil-ħerqa kollha nitolbu lil Alla Omnipotenti jbierek il-Kostituzzjoni ġdida ta’ Malta u għall-prosperità u l-hena kontinwa tas-Sudditi Leali Kollha Tagħna f’Malta:

NORDNAW ukoll illi bis-saħħa ta’ dan l-Att lil kulħadd, lill-imsemmi Gvernatur-Ġenerali, lill-imsemmi President u lill-Membri tal-Kamra tar-Rappreżentanti msemmija Tagħna bħalma wkoll lill-oħrajn kollha li hu fl-interess tagħhom li jiltaqgħu fl-imsemmi Parlament Tagħna, sabiex huma jilqgħu bid-diliġenza kollha lill-imsemmi Prinċep Philip, fil-post kif imsemmi fuq:

U AĦNA nkomplu nordnaw u nikkmandaw illi dawn l-Ittri Tagħna ghandhom jinqraw u jkunu proklamati f’post jew f’postijiet li l-imsemmi Gvernatur-Ġenerali Tagħna jidhirlu li huma adattati f’Malta:

B’xhieda ta’ dan Aħna ordnajna li dawn l-Ittri Tagħna jsiru "Patent" b’xhud Aħna stess f’Westminister nhar is-sbatax ta’ Settembru fit-Tlettax-il sena tar-Renju Tagħna.

MIR-REĠINA STESS
IFFIRMATA MINN IDHA STESS